Ola a todo o mundo!!

Xa estamos de volta e, como sempre, desexamos que o voso verán fose agradable, formidable , bestial... Moita auga, sol nos ollos, area e verde, verde e area, e moita luz. Durmir pouco ou moito, comer ben ou fatal, ter tempo para unha mesma ou estar rodeados sen tregua de amizades ...

Xa estamos de volta e, coma sempre, desexamos que o inicio do curso tamén sexa bo: xente que nos gusta ver de novo, lápis de cores, gomas novas ou vellas, cadernos por estrear, ..o que lle guste a cada un.

Cóntanos ti como te foi. Faino mandando unha foto do teu verán e unha palabra que defina ese tempo de vacacións do 2021 que pasou e foi agradable, formidable, bestial..

Manda a imaxe a a frase ao correo da profe ou do profe. Lembra poñer o teu nome e o curso.

Ícaro e Délalo, de Álvaro Hernández, a primeira curta da Olimpíada

Pois si, xa temos a primeira da curta que van concursar este ano na Olimpíada Filosófica.

Preme na imaxe para ver a curta.

Moita sorte!!

Concurso fotográfico. Que é para ti o amor platónico?

Día Internacional da filosofía

Con motivo da celebración do día internacional da filosofía en Novembro de 2017, os/as alumnos7as de ESO e Bacharelto imos facer unha esposición no institituto para que ninguén se convirta nunha ostra.
os temas elexidos para a exposición foron dous:

Penso logo estorbo e Miradas filosóficas.

Se queres ver algunhas das imaxes, preme no logo.

Karl Marx y Friedrich Engels chegan ás salas de cine en xuño de 2017

No 2017, o director Raoul Peck traerá aos cinemas a película O mozo Marx, sobre a mocidade do Karl Marx alemán. A locación sucedería en 1844, cando Marx coñécese con Friedrich Engels, o fillo dun industrial que escribiu un estudo sobre as malas condicións de traballo dos traballadores británicos. Os dous forman unha asociación para discutir temas de actualidade do día, onde se terminan sufrindo a represión policial.

No elenco da película ten Auguste Diehl (Karl Marx) coñecido por facer Malditos bastardos, Stefan Konarske (Engels) e Vicky Krieps (Jenny). A película ten a data do estreno internacional o 15 de xuño do 2017.

- Vinicius Bitelo / casadocinema.com

Identidade e información.

Lembro un xogo da miña nenez (que aínda se vende en formato electrónico), chamado Quen é Quen, e que consiste en adiviñar a identidade dun personaxe misterioso a partir das preguntas que un xogador fai e os datos que o outro xogador achega sobre el. Isto permite descartar a outros personaxes coas mesmas características, ata lograr a identificación.

Este xogo veume á memoria por mor dun artigo, titulado "O filósofo de Google", sobre o Dr.Luciano Floridi, profesor de Filosofía e Ética da Información e Director de Investigación no Instituto da internet da Universidade de Oxford. Nel, exponse a súa visión do concepto moderno de identidade, que se resume en: Ti es a túa información. Ler máis

Día mundial da Filosofía

«Na celebración do Día Mundial da Filosofía subxace a convicción de que a filosofía pode achegar unha contribución fundamental ao benestar humano, a análise da complexidade e o fomento da paz.»

Mensaxe de Irina Bokova, Directora Xeral da UNESCO.

O Día Mundial da Filosofía estableceuse para destacar a importancia desta disciplina, especialmente para a xente nova, e tamén para subliñar que «a filosofía é unha disciplina que estimula o pensamento crítico e independente e é capaz de traballar en aras dun mellor entendemento do mundo, promovendo a paz e a tolerancia.»

Aínda que do Día Mundial vén celebrándose desde o 2002, a Conferencia Xeral da Organización das Nacións Unidas para a Educación, a Ciencia e a Cultura (UNESCO) declarou oficialmente a súa observación en 2005.

A UNESCO destaca que este día pertence a calquera a quen lle interese o pensamento. Por ese motivo, o Día Mundial da Filosofía debe supoñer un exercicio de pensamento libre, razoado e informado sobre os maiores desafíos do noso tempo.

Que é a beleza?

No Ies Isidro Parga Pondal facemos a nosa intraolimpíada. Métete no papel de crítico ou crítica e elixe as tres fotos que máis che gustan. Faremos unha exposición coas vinte máis votadas. Preme na imaxe para ver as fotos.